Yuzvendra Chahal of India and Hardik Pandya of India celebrates the wicket of Kane Williamson captain of New Zealand during the 3rd T20I match between India and New Zealand held at the Greenfield Stadium, Thiruvananthapuram 7th November 2017 Photo by Deepak Malik / BCCI / SPORTZPICS

एजेन्सी । घरेलु टोली भारतले न्युजिल्यान्डविरुद्धको टि – ट्वान्टी क्रिकेट सिरिज जितेको छ । मंगलबार राति बर्षाले प्रभावित भएको तेस्रो तथा अन्तिम खेलमा न्युजिल्यान्डलाई ६ रनले पराजित गर्दै भारतले सिरिज आफ्नो बनाएको हो ।

बर्षाको कारण ढिला सुरु भएको खेल ८ ओभरमा छोट्टाएको थियो । ओभर छोट्टाएको खेलमा टस हारेर भारतले पहिले ब्याटिङको निम्तो पायो । र, भारतले पुरै ८ ओभर खेल्दै ५ विकेटको क्षतिमा ६७ रन बनायो । भारतका मनिस पाण्डेले १७ तथा हार्दिक पाण्डयले अविजित १४ रन बनाए । त्यस्तै कप्तान बिराट कोहलीले १३ रन बनाए । न्युजिल्यान्डका इश सोधी र टिम साउथेले समान २ – २ विकेट लिए ।

भारतले दिएको ६८ रनको लक्ष्यसहित जवाफी ब्याटिङ्ग थालेको न्युजिल्यान्डले पुरै ओभर खेल्दै ६ विकेट गुमाएर मात्र ६१ रन बनाउन सक्यो । न्युजिल्यान्डका कोलिन डी ग्रान्डहोमले अविजित १७ तथा ग्लेन फिलिप्सले ११ रन बनाउनु बाहेक अन्य ब्याट्सम्यानले उल्लेख रन जोड्न सकेनन । भारतका जस्प्रित बुम्राहले २ तथा भुवनेश्वर कुमार र कुलदिप यादवले समान १ – १ विकेट लिए ।

यो जितसँगै भारतले न्युजिल्यान्डविरुद्धको ३ खेलको टि – ट्वान्टी सिरिज २ – १ ले आफ्नो बनायो । यसअघि दिल्लीमा भएको पहिलो खेलमा भारत ५३ रनले विजयी भएको थियो भने दोस्रो खेलमा न्युजिल्यान्ड ४० रनले विजयी भएको थियो । त्यस्तै भारतले यसअघि न्युजिल्यान्डसंगको एक दिवसीय सिरिज समेत जितेको थियो ।


प्रतिक्रिया लेख्नुहोस