मकालु टेलिभिजन
Latest posts by मकालु टेलिभिजन (see all)
- विराटनगरकाे पुष्पलालचोकको बृद्धाश्रमलाई लायन्सले बनाईदियो नयाँ घर - Oct 14, 2018
- विराटनगरको सेमिट बचत तथा ऋण सहकारी संस्थाको साधारण सभा - Oct 14, 2018
- बेलवारीमा च्याउ खेती सम्बन्धी तालिम शुरु - Oct 11, 2018
सुनसरी,२५ असोज ।
बलात्कार तथा महिला हिंसाका घटनाहरु सार्वजनिक भईरहँदा सुनसरीमा पनि महिलामाथि हुने हिंसाका घटनाहरु बढ्दै गएको पाईएको छ ।
ओरेक नेपाल सुनसरी शाखाले सार्वजनिक गरेको तथ्याङक अनुसार देशै भरि भएका १ सय ७० वटा महिला हिंसाका घटनामध्ये सुनसरीमा २४ वटा घटना दर्ता भएको छ । ओरेक नेपाल सुनसरीले पत्रकारहरुसँगको छलफलमा सबैभन्दा बढी १५ जना घरेलु हिंसा, ४ जना बलात्कार र ५ जनामाथि कुटपिटका घटना भएको जनाएको छ । जिल्ला प्रहरी कार्यालय सुनसरीमा आर्थिक वर्षको साउनसम्ममा १ सय ३ वटा घरेलु हिंसा, १५ वटा बलात्कार र ५ बलात्कार उद्योगको घटना दर्ता भएको छ ।
नेपाल प्रहरीको तथ्यांकअनुसार हरेक दिन ४ जना महिला तथा बालबालिकामाथि बलात्कारका घटना हुने गरेको देखाएको ओरेकको भनाइ छ । ओरेकका अनुसार आर्थिक वर्ष २०७४÷७५ मा मात्रै ३१ वटा बलात्कार र २१ वटा बलात्कारको उद्योगको घटना दर्ता भएको पाईएको छ ।
