८ भाद्र २०७६, आईतवार

पथरीमा रिनाको रहस्यमय मृत्यु : पथरी उद्योग वाणिज्य संघले गर्यो शान्ति सुरक्षा कडा गर्न माग

मोरङ्गको पथरीशनिश्चरेमा २९ वर्षीया व्यवसायी महिलाको शव रहस्यमय अवस्थामा फेला परेको घटनाप्रति पथरी उद्योग वाणिज्य संघले दुःख व्यक्त गर्दै नगरमा शान्ति सुरक्षा कडा हुनु पर्ने माग गरेको छ ।

पथरी शनिश्चरे १ त्रिवेणी चोक साझा लाइनमा डेरा वस्ने एसआरएस कस्मेटिक एण्ड गिफ्ट हाउसकी प्रोप्राइटर रिना बस्नेतको रहस्यमय मृत्युको छानविनका लागि संघले विज्ञप्ति जारी गरी माग गरेको छ । नगर क्षेत्रमा वढ्दै गएको आपराधिक गतिविधि नियन्त्रणका लागि सुरक्षा निकायको सक्रियता आवश्यक रहेको संघका अध्यक्ष दीपक वस्नेतद्धारा हस्ताक्षरित विज्ञप्तिमा उल्लेख छ । गएराति पथरीको प्रस्तावित रंगशालामा सञ्चालन भएको कन्सर्ट हेरेर १३ वर्षीय छोरा साइमनसँग ११ बजे कोठा फर्किएकी वस्नेत विहानै आफ्नै कोठा अगाडि बाटोमा निर्वस्त्र रुपमा मृत अवस्थामा फेला परेकी थिइन । टाउकोमा चोट लागेको अवस्थामा घोप्टो परेको शव विहान स्थानीयले सडकमा देखेपछि प्रहरीलाई खवर गरेका थिए ।
सो घटना रहस्यमय रहेको जनाउँदै पथरी प्रहरी प्रमुख कमल बजगाईंले मृत्युको कारण यकिन भइ नसकेको र अनुसन्धान भइरहेको वताउनु भयो ।

स्थानीयले भनें कसैले कर्तव्य गरी उनको हत्या गरेको आशंका गरेका छन् । रिनाको शव पोष्टमार्टमका लागि धरान लगिएको छ । उनका श्रीमान सन्तोष वस्नेत वैदेशिक रोजगारीको सिलसिलामा दुबईमा रहनु भएको छ ।

सम्बंधित खबरहरु


प्रतिक्रिया लेख्नुहोस