नेकपा एमालेकी उपाध्यक्ष विद्यादेबी भण्डारीले पार्टीको मुख्य लक्ष्य समयमै संबिधान निर्माण गर्ने रहेको बताउनु भएको छ ।
दिउँसो एमाले मोरङको पार्टि कार्यालय पाञ्चालीमा उहाँले विवादीत बिषयमा सहमती जुटाउन सघन रुपले दल लागेको बताउनुभयो ।
एमाले मोरङले आयोजना गरेको कार्यक्रममा बोल्दै उँहाले यसकालागी पटक पटक छलफल र वार्ता भई रहेकाले समयमा नै आमसहमती सहित संविधान निर्माण हुने विश्वास ब्यक्त गर्नु भयो ।
यद्यपी केहि नेताबाट वार्ताका बेला भएका र बाहिर निस्केर आउने अभिब्यक्ति विपरित हुनेगरेकाले पुर्ण विश्वास गर्ने आधार भने नभएको बताउनु भयो ।
एकिकृत नेकपा माओबादीलाई लक्षित गर्दै उहाँले सकेसम्म आम सहमती नभए प्रकृयाबाटै संविधान जारी हुने दाबी गर्नु भयो ।
अहिलेको संविधान सभाबाट संविधान निर्माण गर्न जनादेश पर्याप्त छ, उहाँले भन्नु भयो तरपनि सकेसम्म आम सहमतीको प्रयासको लागी एमाले पुर्ण लचकताका साथ अघि बढेको छ ।
यस्तै उता सुनसरीको इटहरीमा नेतृ भण्डारीले विभिन्न बहानाबाजीमा देशलाई संविधान जारी नगरी पटकपटक बन्धक बनाएको हेर्न नसकिने बताउनुभएको छ ।
उहाँले माघ ८ गते संविधान जारी गरेर देशलाई नयाँ शिराबाट अघि बढाउनुपर्ने कुरामा जोड दिनुभयो ।
