पेट्रोलमा दुई रुपैयाँ ५० पैसा र डिजल तथा मट्टितेलको दुई रुपैयाँका दरले घटाउने निर्णय
नेपाल आयल निगमले आज (सोमबार) रातिबाट लागू हुने गरी पेट्रोलियम पदार्थको भाउ घटाएको छ। आयल निगमले पेट्रोलमा दुई रुपैयाँ ५० पैसा र डिजल तथा मट्टितेलको दुई रुपैयाँका दरले घटाउने निर्णय गरेको हो। अब ग्राहकले पेट्रोल प्रतिलिटर १ सय २५ रुपैयाँ ५० पैसा र मट्टितेल तथा डिजेल ९९.५० पैसा तिर्नुपर्ने निगमले जनाएको छ। अहिले पेट्रोलको १ सय २८ रुपैयाँ तथा डिजेल र मट्टितेलको एक सय १ रुपैयाँ ५० पैसा मूल्य छ।
अघिल्लोपटक पनि निगमले पेट्रोलको भाउ दुई रुपैयाँ ४७ पैसा तथा डिजेल र मट्टितेलको एक रुपैयाँ ६७ पैसा घटाएको थियो।
इन्डियन आयल कर्पोरेसन (आइओसी) ले नोभेम्बर १६ मै नयाँ मूल्य पठाए पनि निगमले आठ दिन ढिला गरी नयाँ मूल्य तोकेको हो।
