सिरहा, आषाढ २४
सिरहाको गोलबजारमा खोलामा नुहाउनेक्रममा सात वर्षका एक बालकको डुबेर बुधबार मृत्यु भएको छ।
गोलबजार नगरपालिका ३ स्थित मुन खोलाको बाँधमा डुबेर सोही वडामा पर्ने मुसरी टोलका असैल सदाको छोरा राकेस सदाको मृत्यु भएको हो। दिउँसो करिब १ बजेतिर बाँधमा नुहाउन पसेका बालक बाहिर ननिस्केपछि स्थानियहरुले खोजी गर्दा बालकलाई मृत भेटेका थिए।
घटनास्थलमा इलाका प्रहरी कार्यालय गोलबजारबाट प्रहरी पुगी कानुनी प्रकृया सम्पन्न गरिएको छ।
