सिरहा, आषाढ २४ गते।
सिरहाको गोबिन्दपुर गाविसमा आगलागीबाट दुई घर जलेको छ भने आगो निभाउनेक्रममा बुधबार एक पुरुष घाइते भएका छन्।
आगलागीबाट गोबिन्दपुर ३ का हरियादव र ईनदल यादवको घर, घरभित्र रहेको सामान र ग्वाली जल्दा अन्दाजी तीन लाख बराबरको क्षती भएको छ। आगलागीबाट हरियादवको ग्वालीमा बाँधेको एउटा भैसी, पाडी, दुईवटा गाई र एक दर्जन बाख्रा १२ को जलेर मृत्यु भएको छ। आगो निभाउनेक्रममा हरी यादबको हात, पाखुरा र टाउकोमा आगोले पोलेको छ। उनलाई उपचारकालागि लहान अस्पताल लगिएको छ। बुधबार सांझ ग्वालीमा बालेको घुरबाट आगलागी शुरु भएको थियो।
आगो अस्थायी प्रहरी पोष्ट पक्किटोलबाट गएको प्रहरी, स्थानियवासी र दमकलको सहयोगमा नियन्त्रण भएको थियो।
