खोटाङ, आषाढ २५
खोटाङको बुईपा ९ मा बिहिबार सांझ यात्रुवाहक बस दुर्घटना हुँदा बसमा सवार ५ जना घाइते भएका छन्।
रेग्मीटारबाट सदरमुकामतर्फ आउदै गरेको ना. ३ ख ३४४० नम्बरको बस चिप्लो सडकमा नियन्त्रण बाहिर जाँदा बिहिबार राती ९ बजेतिर बुईपा ९ मा पल्टिएको थियो। बसमा ३४ जना यात्री सवार रहेका थिए।
दुर्घटनामा परी घाइते हुनेमा उदयपुर साउने बस्ने बर्ष ३३ कि डवल कुमारी राई, बर्ष ४० कि गिता मगर, उदयपुर पन्चावती ४ बस्ने बर्ष २४ को नेत्र बहादुर राई, भोजपुर लेखर्क १ बस्ने बर्ष ३० कि रमा सुवाल र सप्तरी तरही १ बस्ने बर्ष ३४ कि चन्द्र कुमारी चौधरी छन्।
घाइते सबै जनाको टाउकोमा चोट लागेकोले उनीहरुलाई स्थानीय क्लिनिक पुर्याई उपचार गराईएको छ। बसका चालकलाई प्रहरी चौकी बुईपाले नियन्त्रणमा लिएको छ।
