ताप्लेजुङ, श्रावण ३
ताप्लेजङको थुकिम्बामा शनिवार साझ खुकुरी प्रहारबाट एक युवकको मृत्यु भएको छ।
सांवा ७ का १४ बर्षिय सुमन लिम्बुको खुकुरी प्रहारबाट मृत्यु भएको हो। लिङतेपबाट चामल लीई घर फर्किदै गरेको सावा ७ का २२ बर्षिय अनुप थलाङ र २१ बर्षिय प्रेम थलाङले खुकुरी प्रहार गरेको बुझीएको छ। प्रहारबाट लिम्बुको घटनास्थलमै मृत्यु भएको हो। घटनाको खबर प्राप्त भए पश्चात प्रहरी चौकी थुकिम्बा र इलाका प्रहरी कार्यालय दोभानबाट खटिएको प्रहरी टोलीले अनुप थलाङलाई पक्राउ गरेका छन् भने प्रेम थलाङ फरार रहेकोले खोजतलास भईरहेको छ।
हिजो साझ ६ बजे थुकिम्बा १ मा एक आपसमा बीच बादबिबाद हुँदा लिम्बुको टाउकोमा खुकुरी प्रहार भएको थियो।
