सप्तरी, साउन १२
सप्तरीको हर्दियामा सोमबार आगलागी हुँदा कारिब पाँच लाख बराबरको क्षति भएको छ।
हर्दिया ५ स्थित प्रेम बहादुर कार्कीको गोठमा बालेको घुरबाट सल्केको आगोले कार्कीको गोठ तथा भान्सा घर जल्दा सो क्षति भएको हो। दिउँसो १२३० बजेबाट सुरु भएको सो आगलागी स्थानिय र प्रहरीको सहयोगमा करिब ४० मिनेट पश्चात नियन्त्रणमा आएको थियो। घटनास्थलमा ईलाका प्रहरी कार्यालय भेडियाबाट प्रहरी टोली खटिएका थिए।
