झापा, साउन १८ गते।
झापाको लक्ष्मीपुरमा आईतवार साझ पार्किङ्ग गरी राखिएको ट्रकमा मोटरसाईकल ठोक्किदा मोटरसाईकल चालक गम्भीर घाईते भएका छन्।
पूर्वपश्चिम राजमार्ग अन्तर्गत लक्ष्मीपुर ८ मा अपरान्ह १९५० बजे बिग्रिएर पार्किङ्ग गरी राखिएको ना. ३ ख ५५०४ नम्बरको ट्रकमा पश्चिमतर्फ जाँदै गरेको बा. ५३ प ११८२ नम्बरको मोटरसाईकलले पछाडिबाट ठक्कर दिँदा मोटरसाईकल चालक स्थानिय २७ बर्षिय सोम कटुवाल गम्भीर घाईते भएका छन्। उनलाई उपचारका लागी भारतको सिलिगुडितर्फ लागिएको छ।
मोटरसाईकल र ट्रक प्रहरीको नियन्त्रणमा रहेको छ भने ट्रक चालक फरार रहेकोले खोजतलास भईरहेको जिल्ला प्रहरी कार्यालय झापाले जानकारी दिएका छन्।
