सुनसरीको इनरुवा नगरपालिका ६ स्थित पूर्वपश्चिम राजमार्गमा आज दिउँसो ट्रकले सिटी रिक्सा र ठेलालाई ठक्कर दिंदा दुई जना घाइते भएका छन्।
घाइते हुनेमा को.१ ह १५८३ नं.को सिटि रिक्सा चालक सुनसरी इनरुवा २ का अन्दाजी ५५ वर्षिय लक्ष्मी साह र ठेला चलाउने सोही ठाउँका नन्दकिशोर कामत रहेका छन्।
पश्चिमबाट पूर्वतर्फ जादै गरेको ना. ३ ख ८१८ नं.को ट्रकले उनीहरुलाई दिउँसो १४३० बजे ठक्कर दिएको हो। साहको इनरुवास्थित कुन्ती अस्पतालमा उपचार भइरहेको छ भने कामतलाई गोल्डेन अस्पताल बिराटनगर ल्याइएको छ।ट्रक र चालक जिल्ला प्रहरी कार्यालय सुनसरीको नियन्त्रणमा रहेको छ।
