सुनसरी, साउन २२ गते ।
सुनसरीको पूर्वकुशाहा गाविस ६ स्थित धनुषा खोलामा नुहाउन गएका एक बालकको खोलाले बगाएर मृत्यु भएको छ।
पूर्वकुशाहा ६ बस्ने सिताराम उरावको ६ वर्षिय छोरा शिवसागर उरावलाई बिहिबार बिहान नुहाउन जाँदा खोलाले बगाएर मृत्यु भएको हो। बिहिबार बिहान ११०० बजेदेखि उनी हराएपछि बालकका आफन्तजनले प्रहरीमा सोबारे जानकारि गराएका थिए। प्रहरी र स्थानीयवासीले बालकको खोजी गर्नेक्रममा उनको शव आज बिहान ९ बजे खोलामा भेटिएको हो।
घटनास्थलमा इलाका प्रहरी कार्यालय छिटाहाबाट खटि गएको प्रहरी टोलीले लाश जाँच प्रकृती मुचुल्का सम्पन्न गरी बालकको शव पोष्टमार्टमकालागी कोशी अन्चल अस्पताल बिराटनगर पठाएको छ।
