ताप्लेजुङ, साउन २६
ताप्लेजुङमा सोमबार राति आएको हावाहुरीले जिल्ला कारागारसहित तीन घरमा क्षति पुर्याएको छ ।
हावाहुरीले रुख ढलेर जिल्ला कारागार भित्रका तीनवटा टहरा किचिनुका साथै पुर्वपटिको पर्खालसमेत भत्काएको छ।
रुख ढलेर जिल्ला कारागारभित्र कैदी बस्ने घर र किचन किचिएका छन् । ६० कैदी र ४२ थुनुवा भने सुरक्षित छन् ।
त्यस्तै हावाहुरीले ताप्लेजुङ नगरापालिका-५ का हरि गुरुङ र वडा नं. ६ का कमल पोख्ररेलको घर रुखले किचेको छ भने ताप्लेजुङ नगरपालिका-४ का सूर्य गुरुङको घरको टिनको छानो उडाएको छ।
