सुनसरी, भाद्र १ गते।
सुनसरीको मधेसा ९ स्थित नहरमा डुबेर सोमबार एक बालकको ज्यान गएको छ।
मृत्यु हुनेमा मधेशा ५ बस्ने रमेश सिक्देलको ९ वर्षिय छोरा मान बहादुर सिक्देल रहेका छन्। उनको नहरमा पौडी खेल्ने क्रममा मृत्यु भएको हो। साथीहरुसंग पौडी खेल्न नहरमा छिरेका उनलाई नहरले बगाएको थियो। उनको शव खोजतलाशका क्रममा सोमबार दिउँसो २ बजे ईनरुवा ३ मा फेला परेको थियो।
घटनास्थलमा जिल्ला प्रहरी कार्यालय सुनसरीबाट प्रहरी टोली खटि गई कानूनी प्रकृया सम्पन्न गरी शव आफन्तलाई बुझाइएको छ।
