मोरङ, भाद्र ६
मोरङको उर्लाबारीबाट प्रहरीले शनिबार अवैध सखुवाको चौखटसहित एक ट्याक्ररलाई नियन्त्रणमा लिएको छ।
इलाका प्रहरी कार्यालय उर्लाबारीका प्रहरी नायव निरीक्षक रामबहादुर खड्काको नेतृत्वमा रहेको प्रहरी टोलीले उर्लाबारी नगरपालिका ४ राजमार्गबाट लुकाई छिपाई ल्याउदै गरेको अवस्थामा १७.९२ क्युफिट सखुवाको बिभिन्न साइजका चौखटसहित मे. १ त २७९४ नम्बरको ट्याक्टरलाई नियन्त्रणमा लिएको हो।
अपरान्ह साढे ३ बजे त्रिपालले ढाला छोपिएको ट्याक्टर सडक किनारमा पार्किङ गरी राखेको देखेपछि प्रहरीलाई शंका लागि त्रिपाल खोली हेर्दा त्रिपाल मुनि लुकाईएको अवस्थामा ९ थान ढोका, ३ थान झ्याल र २ थान भेन्टिलेशनको तयारी चौखट बरामद भएको थियो।
बरामद काठसहित ट्याक्टरलाई आज आवश्यक कारवाहीकालागि सेक्टर वन कार्यालय मंगलबारेमा पठाइएको इलाका प्रहरी कार्यालय उर्लाबारीका प्रहरी निरीक्षक श्रीराम भण्डारीले जानकारी दिनु भयो।
