ओखलढुङा, भाद्र १४
ओखलढुङा जिल्लाको माम्का गाविस ८ स्थित ठोट्ने खोलामा आएको बाढीले घरसहित एक दम्पतीलाई बगाएको छ।
अविरल वर्षासंगै गएराती ठोट्ने खोलामा आएको बाढीले माम्का ८ खानीगाउँस्थित अविरल दाहालको घर बगाएको छ। मध्यराती १२ बजेतिर आएको बाढीले घरसहित दाहाल र निजको श्रीमती हर्कमाया दाहाललाई समेत बगाएको स्थानीय देवकुमार दाहालले जिल्ला प्रहरी कार्यालयमा जानकारी दिएका छन्।
घटनास्थलमा खोज तथा उद्दारकालागि जिल्ला प्रहरी कार्यालय ओखलढुङाबाट प्रहरी खटिई गएको छ।
