तस्बिर तेजन
उर्लावारी १५ भदौ, मोेरङको उर्लाबारीको मुख्य चौकमा राउण्ड अबाउट निर्माण कार्य अन्तिम चरणमा पुगेको छ । आइतबार राउण्ड अबाउडको बीच भागमा शान्तिको प्रतीक परेवाको आकृति राखेसँगै निर्माण कार्य अन्तिम चरणमा पुगेको हो । करिब २० लाखको लागतमा सम्पन्न गर्ने लक्ष्य राखिएको र राउण्ड अबाउटको ९५ प्रतिशत काम सम्पन्न भईसकेको उर्लाबारी पूर्वाधार निर्माण समितिका अध्यक्ष भोलामान श्रेष्ठले बताउनु भयो ।
बत्ति, रंगरोगनलगायत केही काम बाँकी रहेको र केही दिनभित्रै सम्पन्न हुने उहाँले जानकारी दिनुभयो । राउण्ड अबाउटले उर्लाबारी चौकलाई सुन्दर बनाएको उर्लाबारी नगरविकास समितिका अध्यक्ष केशव कार्कीले बताउनु भयो । उर्लाबारी नगरपालिकाले राउण्ड अबाउट निर्माणको लागि भौतिक पूर्वाधार निर्माण समितिलाई निर्माण गर्ने जिम्मा दिएको थियो । राउण्ड अबाउट निर्माण गरिनाले चौकको शोभासँगै नगरको पहिचान प्रवद्र्धन भएको उर्लाबारी नगरपालिकाका कार्यकारी अधिकृत सुवास श्रेष्ठको भनाई छ । राउण्ड अबाउट परिसरदेखि चारै दिशाको २५ मिटर सडक खण्डमा कालपत्रे गर्ने विषयमा पनि छलफल भइरहेको कार्यकारी अधिकृत श्रेष्ठले बताउनु भयो ।
