उर्लाबारी, २१ भदौ
उर्लाबारी उद्योग वाणिज्य संघको २७ औं चुनावी साधरणसभामा आइतबार भएको निर्वाचनमा चन्द्रबहादुर भट्टराई (भरत) अध्यक्षमा निर्वाचित भएका छन् ।
उनले ४ सय ६८ मत ल्याई ३ सय ७३ मत ल्याउने प्रितम खड्गी र १ सय ७५ मत ल्याउने धर्मराज शाक्यलाई पछि पार्दै आफ्नो जीत हात पारेका हुन् ।
त्यस्तै बरिष्ठ उपाध्यक्षमा तारामान सिरेङ (लिम्बु) ५ सय २२ मत ल्याई बिजयी भएका छन् । भने, उनका प्रतिद्वन्द्वी भूपाल रायामाझीले ४ सय ६७ मत ल्याएका छन् । त्यस्तै उद्योग उपाध्यक्ष पदमा यामलाल रसाइलीले ५ सय १६ मत ल्याई ४ सय ४१ मत ल्याउने रामवाबु चौधरी पछि पारे ।
त्यस्तै बाणिज्य उपाध्यक्षमा सचिन शाक्य ६ सय ४६ मत ल्याई निर्वाचित भए । ३ सय ३९ मत ल्याउने केदार रिजाललाई शाक्यले पछि पारेका हुन् ।
त्यस्तै महासचिबमा प्रदिप गौतम(मिलन)ले ५ सय ५० मत ल्याँउदै विजयी भएका छन् । उनका निकटम प्रतिद्वन्द्वी कृष्ण बर्देवा ४ सय २० मत ल्याएका छन् । त्यस्तै उद्योग सचिबमा दिलकुमार श्रेष्ठ(दिलु)ले ५ सय ४९ मत ल्याँउदै बिजयी भएका छन् । उनका प्रतिद्वन्द्वी शेखरनाथ दाहालले ४ सय २३ मत ल्याएका छन् । त्यस्तै बाणिज्य सचिबमा मीरा भट्टराई ४ सय ९८ .मत ल्याई विजयी भएकी छिन् । भट्टराईको प्रतिद्वन्द्वी केशब सुवेदीले ४ सय ९२ मत ल्याएका छन् । यता कोषाध्यक्षमा इन्द्रबहादुर भट्टराईले ५सय २३ मत ल्याई विजयी भएका छन् भने उनका प्रतिद्वन्द्धी विशाल वाहेतीले ४ सय ५२ मत प्राप्त गरे ।
यसैगरी सदस्य पदमा संगीता अधिकारी (पाण्डे) ६ सय ६ , राम थापा ५ सय २७ , विष्णु गुरागाई ५ सय १८ ,बद्रि खरेल ४ सय ९२ र सुनिल बोहोराले ४ सय ६० मत प्राप्त गरी बिजयी भएका छन् । सदस्य पदका उम्मेद्ववार मनोज श्रेष्ठ ४ सय ५६, ज्ञानु शाक्य ४ सय ५, युगल राई ३ सय ५७, भगल्टु साह ३ सय ३७ र चेतराज सिंह श्रेष्ठ २ सय ७४ मत ल्याई पछि परे ।
त्यस्तै लेखा समिति संयोजकमा पवन अग्रवालले ४ सय १७ मत ल्याएर विजयी भएका छन् ।उनका प्रतिद्वन्द्वी अम्बरबहादुर धिमालले ३ सय २० मत प्राप्त गरे । त्यसैगरी लेखा सदस्यमा लक्ष्मीप्रसाद दाहाल र दिनेश यसअघि नै सर्वसम्मत चयन भईसकेको प्रमुख निर्वाचन आयुक्त तेजकुमार रिजालले जानकारी दिएका छन् ।
नेपाली कांग्रेस समर्थक ब्यापारीहरुको तर्फबाट प्रितम खड्गीको अध्यक्षतामा १३ जनाको प्यानल खडा गरेको छ भने एमाले समर्थक ब्यापारीको तर्फबाट मुख्य पाँच पदसहित आठ जनालाई मात्र उम्मेद्वार उठाएको छ भने अन्य पार्टी समर्थक ब्यापारीहरु स्वतन्त्र रुपमा उठेका छन् ।
संघमा १ हजार २ सय १२ जना मतदाता रहेको भएता पनि १ हजार ६८ मत खसेको थियो । संघको निर्वाचन अत्यन्तै सम्यमताका साथ सम्पन्न भएको निर्वाचन प्रमुख रिजालले जानकारी दिएका छन् ।
