विराटनगर २४ भदौ । सुनसरी जिल्लाको दुहबीमा आज बिहान बन्दकर्ताहरुले दुई वटा सवारी साधनमा क्षती पुर्याएका छन् । बन्दकर्ताहरुले दुहवी–भलुवा नगरपालिका ७ स्थित कोशी राजमार्गमा को. १ च २६९८ नम्बरको मारुती भ्यानमा आगजनी तथा सोही नगरपालिका ४ मा बा. ९ च ५५१८ नम्बरको मारुतीको शिशा तोडफोड गरेका छन् । बिहान करिब ४ बजे को. १ च २६९८ नम्बरको मारुती भ्यानलाई बन्दकर्ताहरुको एक समुहले रोकी आगो लगाई फरार भएका थिए । आगजनीबाट गाडी पूर्ण रुपमा जलेको छ । घटनास्थलमा इलाका प्रहरी कार्यालय दुहबीबाट प्रहरी परिचालन भई आगो नियन्त्रण गरिएको थियो । यसैविच । आन्दोलनरत मधेसी मोर्चाका कार्यकर्ताले बन्दको अवज्ञा गरेको भन्दै आज सिरहाको लाहानमा एउटा ट्रकमा आगजनी गरेका छन् । मोर्चाका कार्यकर्ताले ना४ख ४१९४ नम्बरको ट्रकमा आगजनी गरेका हुन् । उता, मोर्चाका कार्यकर्ताले रुपन्देहीको मनैयास्थित अर्घाखाँची सिमेन्ट उद्योगमा समेत तोडफोड गरेका छन् । तोडफोडबाट उद्योगको गार्डरुममा सामान्य क्षति भएको छ ।
