सप्तरी, पौष २१
सप्तरी जिल्लाको नर्घो गाबिसमा सोमबार सांझ गोली प्रहारबाट एक प्रहरी सहायक निरीक्षकको हत्या भएको छ।
अज्ञात समुहको गोली प्रहारबाट प्रहरी चौकी झुट्कीका ईन्चार्ज प्रहरी सहायक निरीक्षक रमेश सुब्बाको मृत्यु भएको हो।
नर्घो गाविस ६ स्थित झुट्की चौकमा डियुटीमा रहेका सुब्बामाथी सांझ ६ बजेतिर दुई वटा भारतीय मोटरसाइकलमा आएका समुहले गोली प्रहार गरेको जिल्ला प्रहरी कार्यालय सप्तरीले जनाएको छ।
छाती र दाहिने तिघ्रामा एक\एक गोली लागेका उनलाई उपचारकालागि राजविराज अंचल अस्पताल लगिएकोमा सोही अस्पतामा सांझ ७ बजे उनको मृत्यु भएको हो।
घटनासम्बन्धमा जिल्ला प्रहरी कार्यालय सप्तरीबाट अनुसन्धान तथा गोली प्रहार गर्ने समुहको खोजतलाश भइरहेको छ।
