झापा, पौष २२
झापा जिल्लाको भद्रपुरमा मंगलबार अपरान्ह ट्याक्टरको ठक्करबाट एक जना साइकलयात्रीको मृत्यु भएको छ।
मृत्यु हुनेमा झापा पृथ्वीनगर ७ निवासी ४५ वर्षिय सितराज लिम्बु छन्। लिम्बुलाई अपरान्ह साढे ४ बजे भद्रपुर नगरपालिका ४ स्थित झापा चोकमा भद्रपुरबाट महेशपुर तर्फ जादै गरेको मे. १ त ४८९९ नम्बरको ट्याक्टरले ठक्कर दिएको थियो। ट्याक्टरको ठक्करबाट गम्भीर घाइते भएका लिम्बुको मेची अंचल अस्पताल भद्रपुरमा उपचारकाक्रममा मृत्यु भएको हो।
लाश पोष्टमार्टमकालागि सोही अस्पतालमा राखिएको छ भने ट्याक्टरलाई वडा प्रहरी कार्यालय भद्रपुरले नियन्त्रणमा लिएको छ।
