भोजपुर, पौष २३
भोजपुर जिल्लाको नेपालेडाँडामा बन्चरो प्रहारबाट एक जनाको हत्या भएको छ।
जिल्लाको उत्तरी गाविस नेपालेडाँडामा मिस्त्री काम गर्न आएका सुनसरी भरौल निवासी थाम बहादुर श्रेष्ठले आफ्नै साथी भिम बहादुर गिरीको हत्या गरेका हुन्।
सुनसरीबाट उनीहरु नेपालेडाँडा ३ स्थित नारायण कठेतको घर निर्माण गर्ने कामका लागि आएका थिए। मंगलबार राती श्रेष्ठले गिरीलाई बन्चरो र दाउराको चिरपटले हिर्काई हत्या गरेको स्थानीयले बताए।
हत्या पश्चात फरार भएका थाम बहादुरलाई प्रहरीले धनकुटा जिल्लाको भेडेटारबाट पक्राउ गरेको छ।
