पाँचथर, पौष २४
पाँचथरमा लागुऔषध बेचबिखन तथा ओसार पसार मुद्धामा कैद सजाय फैसला भएका एक जना फरार प्रतिवादीलाई प्रहरीले ११ वर्ष पछि बिहिबार पक्राउ गरेको छ।
पक्राउ पर्नेमा पाँचथर शिवा गाविस २ बस्ने गंगाराम मुखिया रहेका छन्। उनलाई जिल्ला प्रहरी कार्यालय पाँचथरका प्रहरीले बिशेष सुचनाका आधारमा फिदिम बजारबाट पक्राउ गरेका हुन्।
मुखियालाई लागुऔषऔषध हेरोईन बेचबिखन तथा ओसार पसार मुद्दामा जिल्ला अदालय झापाबाट मिति २०६१/१/५ गते दुई बर्ष कैद र नगद पन्ध्र हजार जरिवाना फैसला सुनाईएको थियो।
बिहिबार नै जिल्ला अदालत पाँचथरमा पेश गरिएको मुखियालाई ठेगिएको कैद भुक्तानका लागी जिल्ला कारागार चलान गरिएको जिल्ला प्रहरी कार्यालय पाँचथरले जनाएको छ।
