मोरङ, माघ ४
मोरङ जिल्लाको हसन्दहमा आइतबार राती मोटरसाइकल दुर्घटना हुँदा एक युवकको ज्यान गएको छ।
उत्तरबाट दक्षीणतर्फ जादै गरेको बा. १४ प २७४६ नम्बरको मोटरसाइकल राती साढे सात बजेतिर हसन्दह गाविस ५ स्थित भित्री सडक खण्डमा अनियन्त्रीत भई दुर्घटना भएको हो।
दुर्घटनामा मोटरसाइकलका चालक मोरङ अमरदह २ का १८ वर्षिय रोशन यादवको मृत्यु भएको छ।
गम्भीर घाइते भएका यादवलाई उपचारकालागि न्युरो अस्पताल बिराटनगर ल्याउनेक्रममा बाटैमा उनको मृत्यु भएको थियो। मोटरसाइकल इलका प्रहरी कार्यालय रंगेलीको नियन्त्रणमा छ।
