धनकुटा १० माघ । मोरङको रंगेलीमा भएको घटनाको बिरोधमा लिम्बुवान संयुक्त संघर्ष समितिले आवहन गरेको बन्दका कारण आईतवार (आज) अरुण पुर्वका ९ जिल्लाको जनजीबन प्रभाबित भएको छ ।
गत बिहिवार रंगेलीमा प्रहरी दमनमा परी तीन जनाको ज्यान गएको भन्दै त्यसको बिरोधमा समितिले एक दिने चक्काजाम आवहन गरेको हो । बन्दका कारण धनकुटा, तेह्रथुम, संखुवासभा, ताप्लेजुङ्ग, ईलाम, पाँचथर, झापा, मोरङ्ग र सुनसरीको जनजीबन प्रभाबित भएको पुर्व क्षेत्रीय प्रहरी कार्यालयले जनाएको छ ।
बन्दका कारण ति जिल्लामा बिहानै देखि लामो तथा छोटो दुरीका सवारी साधन सञ्चालन भएका छैनन् । तराई हुँदै पुर्वी पहाडी जिल्ला जोड्ने कोशी राजमार्ग पनि बिहानै देखि सुनसान रहेको ट्राफिक प्रहरी कार्यालय धनकुटाका प्रमुख सुरेन्द्र खड्काले जानकारी दिए । आकस्मिक प्रयोजनका सवारी साधन भने सञ्चालमा छन । यातायात ठप्प हुँदा सर्वसाधरण मारमा परेका छन ।
यता मोरंगमा भने बन्दको कुनै असर परेको छैन ।
