सुनसरी, माघ ११
पूर्व पश्चिम राजमार्ग अन्तरगत सुनसरी जिल्लाको मधेसामा आइतबार राती दुई ट्रक एक आपसमा ठोक्किंदा च्यापिएर एक ट्रकका चालकको मृत्यु भएको छ भने सोही ट्रकका सहचालक गम्भीर घाइते भएका छन्।
मृत्यु हुनेमा ना. ५ ख ६१३८ नम्बरको ट्रकका चालक जिल्ला सिन्धुली लाधाविर ३ का २६ वर्षिय हरि कार्की रहेका छन्।
राती करिब १० बजे उनको ट्रक मधेसा ९ स्थित भोटेपुलमा अगाडी जादै गरेको ना. ३ ख ३५२७ नम्बरको ट्रकसंग ठोक्किएको थियो।
दुर्घटनामा दुई ट्रकविच च्यापिका कार्की र सहचालक सिन्धुली कत्ले ३ का २० वर्षिय प्रविण मगरलाई जिल्ला प्रहरी कार्यालय सुनसरीबाट खटि गएका प्रहरीले उद्दार गरी उपचारकालागि ईनरुवा अस्पताल लगिएकोमा कार्कीको उपचार हुँदा हुदै मृत्यु भएको हो।
सहचालकलाई थप उपचारकालागि विपी कोइराला स्वास्थ्य बिज्ञान प्रतिष्ठान धरान पठाइएको छ।
