बिनु तिम्सिना
बिराटनगर माघ २१
मधेशी मोर्चाको बन्द र भारतिय नाकाबन्दीका कारण इन्धन अभावका कारण ठप्प बनेका मोरङको दक्षिणपुर्वी गाविस दर्वेशास्थित कोचेनी खोलाको पुल निर्माण कार्य सुरु भएको छ । बन्दका कारण ठप्प बनेको सो पुल निर्माण काय अहिले धमाधम भइरहेको छ । पुल निर्माण भएपछि सो पुलले दर्वेसा र ववियाविर्ता गाविस जोड्ने भएकाले त्यस क्षेत्रका वासिन्दाहरु हर्सीत भएका छन । कोचेनी खोलामा पक्कि पुल नै जोखिममा रखेर आवत जावत गर्नुपरेको थियो । बासको कच्चि पुल हँुदा सवारी साधनमा आवत जावत गर्न समेत समस्याभएको थियो । कृषकहरुले त्यस क्षेत्रमा उत्पादन गरेका कृषि जन्य उपजहरुसमेत बजार सम्म ल्याउन समस्या भइरहेको थियो । तर पुल निर्माण कार्य सुरु भएसंगै आफुहरुका समस्या समाधान हुने भएपछि स्थानियहरु हर्सित भएका हुन् ।
जिल्ला विकास समिति मार्फत २ करोड ७७ लाख ३४ हजारको लागतमा सो पुल निर्माणको कार्य सुरु भएको हो । पुल निर्माणको ठेक्का गिताञ्जली खुस्वु विसाल जे भी कन्ट्रक्सन विराटनगरले पाएको छ । २०७० फागुनमा ठेक्का सम्झौता भएर काम शुरुभएको भएपनि पुलको संचरानामा फेरबदल गर्नुपर्दा केहि ढिलाइ भइरहेको त्यसमा पनि मोर्चाको बन्द र नाका बन्दीले इन्धन अभाव हुदा थप समस्या भएको थियो । तर विस्तारै इन्धन आपुर्ति सह जबनेपछि पुल निर्माणको कार्य धमाधम भइरहेको जिल्ला विकास समिति मोरङका इन्जीनियर दिनविनोदखड्काले जानकारी दिनुभयो ।
विराटनगर रंगेली हुलाकी मार्ग र पुर्वपश्चिम लोकमार्गको विचमा पर्ने सडक संजाल अन्तरगतको यो पुलले मोरङको एक तिहाइ जनसंख्यालाई सुविधा पुर्याउने छ । पक्कि पुल निमार्णले सवैभन्दा बढि यहाँका किसानहरुलाई आफुले उत्पादन गरेका कृषिजन्य बस्तुको ढुवानी गर्न, विद्यार्थीहरुलाइ र स्थानियहरुलाई सहज रुपले आवतजावत गर्न सजिलो हुने भएको छ । पुर्वी मोरङको भित्रि गाविसहरु थलाहा, दर्वेशा, ववियाविर्ता, रंजनीका लागी अत्यावश्यकियरुपमा रहेको यो पुल निमार्णले स्थानीयको दैनिक जीवनयापनमा सहयोग गर्ने देखिन्छ ।
