मोरङ, फागुन ५ गते।
मोरङ जिल्लाको लेटाङ भोगटेनि नगरपालिकामा मंगलबार दुई मोटरसाईकल एक आपसमा ठोक्किदा पाँच जना घाईते भएका छन्।
लेटाङ्ग बाट कानेपोखरी तर्फ जादै गरेको बा ३० प ७६०७ नम्बरको मोटरसाईकल र विपरित दिशा बाट आउदै गरेको को ७ प ९१३८ नम्बरको मोटरसाईकल एक आपसमा ठोकिन गई दुर्घट्ना भएको थियो।
बा ३० प ७६०७ नम्बरको मोटरसाईकलका चालक लेटाङभोगटेनी नगरपालिका ८ बस्ने २६ वर्षिय बुदे लिम्बु र पछाडी सवार सोहि स्थान बस्ने २६ वर्षिय कुमार लिम्बु दुबै गम्भिर घाईते भएका छन्।
घाईते दुबैलाइ बिराटनगर स्थित नोबेल अस्पतालमा उपचारकोलागी पठाइएकोमा दुबैको अबस्था गम्भिर रहेको छ ।
को. ७ प ९१३८ नम्बरको चालक लेटाङ भोगटेनी नगरपालिका ७ बस्ने ४३ बर्षिय गुप्तन पौडेल, पछाडी सवार सोहि स्थान बस्ने ३० बर्षिय फडिन्द्र ढुंगेल र ३० बर्षिय राजन पौडेल समेत सामान्य घाईते भएका छन्।
घाईतेहरुको शुभकामना अस्पताल लेटाङमा उपचार भई रहेको छ।
दुबै मोटरसाईकल ईलाका प्रहरी कार्यालय लेटाङ्गको नियन्त्रणमा रहेको छ।
