विजय धिमाल
उर्लाबारी - ५ फागुन
मोरङको उर्लाबारी नगरपालिका स्थित रहेको उर्लाबारी गजल मञ्चले यो वर्षको ७ औँ संस्करण जगलमाला पुरस्कार धादिङका सिता प्याकुरेललाई प्रदान गरिने भएको छ ।
उर्लाबारी गजल मञ्चको अभियान नयाँ श्रष्ठाको पहिचान भन्ने मुल नाराका साथ गजल विधामा कलम चलाई उत्कृष्ठ तथा कुनै पुस्तक प्रकाशन नगरेका नयाँ सर्जकलाई प्रदान गर्दै अएको छ । गत २०६५ साल देखि प्रत्येक वर्ष १ जना नयाँ श्रष्ठालाई नगद रु पाँच हजार पाँच रुपैयाँ सहित सम्मानपत्रका साथ सम्मान गरिदै आएको छ । यो वर्षको गजलमाला पुरस्कार फागुन १५ गते बृहत कार्यक्रमका साथ पूर्वाञ्चल बौद्ध गुम्बामा गरिने उर्लाबारी गजल मञ्चका अध्यक्ष यूवराज काफ्ले इवनले बाताउछन् । यसअघि गजलमाला पुरस्कार बाट पुरस्कृत हुनेहरुमा क्रमश प्रतिभा प्रक्षिप्त, नविन प्रचिन, राज दिलान्जली, शुशिला भट्ट, रहस्यविक्रम चिमरीया र विराट अनुपम रहेका थिए । फागुन १५ गते हुने कार्यक्रमका प्रमुख अतिथि हेटौँडाका डाक्टर घनश्याम न्यौपाने परिश्रमी रहने आयोजक समिति बताउछन् ।
