मेचीनगर । धुलाबारी बजारमा सोमबार छरपष्ट अवस्थामा चाँदी फेला परेको छ । छरिएको अवस्था चाँदी देखिएको प्रहरीले जनाएको छ । धुलाबारीदेखि ढकाल चोकसम्मको सडकखण्डमा चाँदी छरिएको अवस्थामा भेटिएको हो ।
सानो दाना टल्किएको अवस्थामा सडकमा भेटिएपछि दिनभरी बजारमा हेर्नेको घुँइचो लागेको थियो । पछि चाँदी भन्ने प्रमाणित भएपछि अवस्था केही शान्त भएको इलाका प्रहरी कार्यालय धुलाबारीले जनाएको छ ।
सो क्षेत्रमा आइतबार र सोमबार चोरीका घटना नभएकाले चाँदी कहाँबाट कसरी आयो भन्ने प्रमाणित गर्ने नसकिएको इप्रका धुलाबारीले जनाएको छ । चाँदी हराएको बारेमा कुनै निवेदन नआएको इप्रका धुलाबारीले जनाएको छ । चाँदी कसरी छरियो भन्ने बारेमा अनुसन्धान भइरहेको प्रहरीले प्रतिक्रिया दिए ।
