सुनसरीको धरानमा छुरा प्रहारबाट शुक्रबार एक जना गम्भिर घाईते भएका छन्। घाईते हुनेमा बराह क्षेत्र वडा नम्बर ७ बस्ने १८ बर्षिय सुरेन्द्र राइ रहेका छन्। धरान उप(महानगरपालिका वडा नम्बर २७ बस्ने मुना राइको विबाहमा आएका राईलाई वडा नम्बर २५ बस्ने १८ बर्षिय मिन कुमार राई र २५ बर्षिय रुपेन्द्र राईले छुरा प्रहार गरी घाईते बनाएका थिए। छुरा प्रहारबाट गम्भिर घाईते राईको कम्मर मुनि करङमा चोट लागेको छ। घाईते राईलाई उपचारको लागी वी.पी. कोईराला स्वास्थ्य विज्ञान प्रतिष्ठान धरान पठाईएको इलाका प्रहरी कार्यालय धरानले जनाएको छ। छुरा प्रहार गर्ने दुबैलाई नियन्त्रणमा राखी थप अनुसन्धानको लागी हिरासतमा राखीएको छ।
