बिराटनगर चैत्र ३० ,
सुनसरीको इटहरीमा अमेरिकन फर्म्याटको प्रि-स्कुल किन्डरपिल्लर संचालनमा आएको छ । 
स्कुलको चैत्र १८ गते सुनसरीका प्रमुख जिल्ला अधिकारी मोहन प्रसाद चापागाईंले उद्घाटन गर्नुभएको थियो । यसका साथै भारतबाट आउनु भएका अरभिंदर कौरले सकारात्मकरुपमा अभिभावकत्व कसरी निभाउन सकिन्छ भन्ने बिषयमा अविभावकहरुलाई प्रशिक्षण दिनुभएको थियो । अमेरिकन शिक्षण बिधिबाट उक्त स्कुलमा के.जी सम्मको लागि भर्ना खुलेको स्कुलकी निर्देशक श्रुति शर्माले जानकारी दिनुभयो । अन्य स्कुल भन्दा गुणस्तरीय र बालबालिका मैत्री बिधिबाट उक्त स्कुलले पढाइ संचालन गर्ने पनि शर्माले बताउनुभयो ।
