सप्तरीको झुट्की गाविसमा बिहिबार बिधुत चोरी गर्नेक्रममा करेन्ट लाग्दा एक जनाको ज्यान गएको छ।
झुट्की गाविस ९ बस्ने २६ वर्षका हेम नारायण मण्डलको आफ्नै घर अगाडी रहेको बिजुलिको तारमा अंकुश (हुक) लगाउनेक्रममा करेन्ट लाग्दा ज्यान गएको हो। सांझ ५ बजेतिर घर अगाडी रहेको बिजुलीको तारमा हुक लगाउन खोज्दा मण्डललाई करेन्ट लागेको थियो।
गम्भिर घाइते उनलाई उपचारकालागी सगरमाथा अञ्चल अस्पताल राजबिराज लैजानेक्रममा बाटोमै उनको मृत्यु भएको हो। मृतकको शव सोही अस्पतालमा राखिएको प्रहरी चौकी झुट्कीले जनाएको छ।
