मोरङ, बैशाख २७
पूर्व पश्चिम राजमार्ग अन्तरगत मोरङको सुन्दर-दुलारीमा आज बिहान यात्रुवाहक बसले बिधार्थी बोकेको बसलाई ठक्कर दिंदा दुई बिधार्थीसहित १२ जना घाइते भएका छन्।
सुन्दर-दुलारी नगरपालिका १ मा बिहान पौने ९ बजे को १ ख ४३४७ नम्बरको मकालु ईङलिस बोर्डिङ स्कुलको बसलाई पछाडीबाट आउदै गरेको को १ ख ३११० नम्बरको यात्रुवाहक बसले ठक्कर दिएको थियो।
दुर्घटनामा दुई जना बिधार्थी तथा १० जना यात्रुसहित १२ जना सामान्य घाइते भएका छन्।
घाइतेहरुलाई उपचारकालागी सामुदायिक अस्पताल ईटहरी लगिएको छ भने दुबै बसका चालकहरु प्रहरी चौकी गछियाको नियन्त्रणमा रहेको छ।
