सुनसरी, जेष्ठ २ गते।
इटहरी-बिराटनगर सडक खण्ड अन्तरगत ईटहरी नगरपालिका १० स्थित खनार ट्रान्सपोर्ट लाईन अगाडी आज बिहान ट्रकले ठक्कर दिएर पैदलयात्रती महिलाको मृत्यु भएको छ।
मृत्यु हुनेमा भोजपुर बैकुण्ठे ९ बस्ने ७७ वर्षिया रत्नमाया थापा रहेकी छन।
थापालाई बिहान ०७:३० बजेतिर इटहरीबाट बिराटनगरतर्फ आउदै गरेको ना ४ ख १४८२ नम्बरको ट्रकले ठक्कर दिएको हो।
ट्रकको ठक्करबाट उनको घटनास्थलमै मृत्यु भएको इलाका प्रहरी कार्याल ईटहरीले जनाएको छ।
ठक्कर दिने ट्रक र चालकलाई प्रहरी चौकी खनारले नियन्त्रणमा लिएको छ।
