राष्ट्रपति डोनाल्ड ट्रम्पले पाकिस्तानलाई दिइँदै आएको सहायता राशिमा झन्डै १९ करोड डलर कटौती गर्ने घोषणा गरेका छन् । दैनिक हिन्दूस्तानका अनुसार ट्रम्प प्रशासनको बजेटमा उक्त कुरा उल्लेख छ ।
यद्यपि ट्रम्प प्रशासनले पाकिस्तानलाई ३४.४ करोड डलर मद्दत गर्ने प्रतिबद्धता चाहिँ व्यक्त गरेको छ । अमेरिकाको विदेश विभागले भनेको छ, ‘‘पाकिस्तानले अमेरिकालाई आतंकवादविरोधी रणनीति, अफगान शान्ति प्रक्रिया, परमाणु अप्रसार प्रयासहरू र दक्षिण तथा मध्यएसियाको स्थिरतामा अहं भूमिका निभाएका कारण सहयोग गर्दै आएको छ । हामी पाकिस्तानसँग परस्पर सहयोगमा आधरित द्विपक्षीय सम्बन्ध कायमै राख्छौं ।’’
