पश्चिम बंगाल सरकारले दार्जिलिङ, सिलगुढी, खर्साङ लगायतका क्षेत्रमा नेपाली च्यानल बन्द गराएको छ । गोर्खाल्याण्डको माग चर्किँदै गएका बेला बंगाल सरकारले आन्दोलनकारीलाई सहयोग पुग्नेगरी समाचार प्रशारण गरेको भन्दै बन्द गराएको हो ।
बंगाल सरकारले सुरक्षाकर्मी पठाएर नेपाली भाषामा प्रसारण हुने एक मात्र स्याटलाईट टेलिभिजन ‘अल भारत नेपाली च्यानल’ बन्द गराएको हो ।
आन्दोलनकारीलाई सहयोग गरेको आरोपमा टीभी बन्द गर्नुपरेको स्थानीय सरकारले जनाएको छ ।सिलिगुढीबाट प्रसारण हुने उक्त टेलिभिजनले गोर्खाल्याण्डको माग गर्दै आन्दोलनमा रहेकाहरुलाई सहयोग पुग्ने सामग्री प्रशारण गरेको भन्दै बन्द गराइएको हो ।
