एजेन्सी । एक नेपाली सेक्युरिटी गार्डलाई मलेसियाको म्याजिस्ट्रेट आदालतले तीन महिनाको जेल सजाय सुनाएका छन्।१३२ आरएम पर्ने दुई बोतल रक्सी सुपरमार्केटबाट चोरेको अभियोगमा ४४ वर्षीय विश्व सुबेदी नाम गरेका उनलाई सो सजाय तोकिएको छ।
सुबेदीले गत वर्षको २२ डिसेम्बरमा क्वालालम्पुरस्थित सेतिवाङ्सामा रहेको एइयोन एयू २ सुपरमार्केटबाट ज्याकोब्स क्रिक सिराज रोज वाइनका दुई बोतल चोरी गर्दा रंगेहात पक्राउ परेका थिए । उनले मलेसियामा ‘ओभर स्टे’ गरेकोमा समेत तीन महिनाको जेल सजाय पाएका छन् ।
विश्वलाई अदालतले पक्राउ परेको मिति डिसेम्बर २२ देखि नै गणना हुने गरी दुवै सजाय भुक्तान गर्न आदेश दिएको छ। ।
