काठमाडौं । इन्डोनेसियामा एक नेपालीको प्रहरीले चलाएको गोली लागि ज्यान गएको छ । गोली लागि मृत्यु हुनेमा ३४ वर्षीय शरण तामाङ रहेको भनिएपनि उनको ठेगाना खुलेको छैन । लागुऔषध तस्करको आरोपमा इन्डोनेसिया प्रहरीले उनको खोजी गरेको बताइएको छ ।
प्रहरीले उनको साथबाट लागुऔष्ध समेत बरामद गरेको जनाईएको छ । यो खबरलाई मलेसियास्थित नेपाली दुतावासले पनि पुष्टि गरेको परराष्ट्र मन्त्रालयका सहायक प्रवक्ता रामबाबु ढकालले जानकारी दिए ।
प्राप्त जानकारी अनुसार तामाङ एक होटलमा बसेका थिए । सोधपुछका क्रममा उनले आफ्ना साथी रहेको बताएको र त्यहाँ जाने क्रममा भाग्न खोजेपछि गोली चलाउनुपरेको इन्डोनेसिया प्रहरीले जनाएको छ । परराष्ट्र मन्त्रालयले यसबारे थप जानकारी लिने काम भैरहेको जनाएको छ ।
