प्रहरीका अनुसार ३०वष्र्ढाीय सञ्जय सोबोर र २५ वर्षीय जगदीश लोहारलाई हिरासतबाटै भीडले नियन्त्रणमा लिएर कुटपिट गरेको हो ।
स्थानीयका अनुसार १२ फेब्रुअरीका दिन एक बालिकाको अपहरण भएको थियो । पाँच दिनपछि बालिकाको शव एउटा चिया बगानमा फेला परेको थियो । शव नग्न र टाउको काटिएको अवस्थामा फेला परेको थियो ।
प्रहरीले दुई संदिग्धलाई आइतबार नियन्त्रणमा लिएको हो । अदालतको आदेशअनुसार ती दुवैलाई दुई दिन हिरासतमा राखेर प्रहरीले घटनाको अनुसन्धान गर्दै थियो ।
अरुणाचल प्रदेशका मुख्यमन्त्री पेमा खांडुले नाबालिग बालिकाको बलात्कार र हत्याको घटनालाई ‘बर्बर र अमानवीय’ भनेका छन् । उनले भीडद्वारा दुई संदिग्धको हत्यालाई ‘दुर्भाग्यपूर्ण’ भन्दै घटनाको छानविन गर्न आदेश दिएका छन् ।
