सिण्डिकेट तोड्ने सरकारी निर्णयका विरुद्ध चरणबद्ध आन्दोलनको घोषणा गरेको राष्ट्रिय यातायात व्यवासायी महासंघ आबद्ध व्यवसायीहरूले आज देखि लामो तथा छोटा दूरीमा चल्ने सवारीसाधन ठप्प पारेका छन् ।
सिण्डिकेटवाला यातायात व्यवसायीहरुले थालेको यातायात बन्दको आन्दोलनको प्रभाव बुधबार बिहान देशैभरि देखिएको छ ।
यस्तो देखियो बिराटनगरमा :
शुक्रबार बिहान बिराटनगर लगायत देशका विभिन्न शहरमा भाडाका सवारी साधनहरु न्यूनमात्रामा देखिएका छन् । बिराटनगर बसपार्कमा गाडीहरु थन्काइएका छन् भने यात्रीहरु गाडी कुरेर बसेको पनि देखियो । धेरै यात्रीहरु बिराटनगर बसपार्कमा यताउता भौतारिदै गरेको दृश्य सामान्य बनिसकेको थियो बिहानको ११ बजे सम्म। बिराटनगरमा निजि सवारीसाधन भने चलिरहेको अवस्था छ ।
सवारीसाधन नचलेपछि यात्रुहरु सिटि सफारी , टेम्पो , निजि जीपमा समेत यात्रा गरिरहेको पाइएको छ । केहि यात्रुहरु लिफ्ट मागेर मोटरसाइकल वा निजि गाडीमा समेत चढेर गन्तव्यमा पुग्न सकस गरिरहेको दृश्य पनि देखिएको छ ।
बिराटनगरबाट धरान अफिस पुग्नुपर्ने बिराटनगरकि नितिक्ष्या कोइराला सवारीसाधन नचलेपछि अफिस जान नपाएको गुनासो गर्दैथिइन् । बैदेशिक रोजगारको शिलशिलामा काठमाडौं कागज बनाउन जाने तयारी गरेर रंगेलीबाट बिराटनगर बसपार्क आएका रोशन कुमार शाह पनि सवारीसाधन बन्द भएर गन्तव्यमा पुग्न नसकेको गुनासो गर्दै थिए ।
यस्तै इटहरी अफिस जान सडकमा सवारी कुरिरहेका बिबेक न्यौपाने पनि निरास भएर घर फर्कन लागेको बताए ।
