ईटहरी , जेठ ९ । आज बिहान इटहरीको अाँपगाछीमा बस दुर्घटना भएको छ ।
उदयपुरको गाईघाटबाट सुनसरीको धरानतर्फ जाँदै गरेको बस इटहरीको अाँपगाछीमा दुर्घटना हुँदा एक जनाको मृत्यु भएको छ भने २२ जना बढी घाईते भएका छन । ना ४ ख ४२५८ बस दुर्घटना भएको प्रहरीले जनाइको छ ।
घाईतेहरूलाइ धरानस्थित वीपी कोइराला स्वास्थ्य विज्ञान प्रतिष्ठान लगिएकाे छ । बसका चालक प्रहरी नियन्त्रणमा छन् ।
यसरी भएको थियो दुर्घटना :
उदयपुरको गाईघाटबाट सुनसरीको धरानतर्फ जाँदै गरेको बस तीव्र गतीका कारण दुर्घटना भएको हुन सक्ने इलाका प्रहरी कार्यालय इटहरीका इन्सपेक्टर राजन कार्कीले बताए ।
पैदल यात्रु जोगाउने क्रममा बस दुर्घटना भएको र यसबारे थप अनुसन्धान भइरहेको प्रहरी भनाइ छ । बस सडकमा पल्टाबाजी खाँदै किनारमा अडिएको एक प्रत्यक्षदर्शीले बताइन् । बस पल्टिएपछी एक यात्रुको बसले च्यापिएर घटनास्थलमै मृत्यु भएको हो ।
