विराटनगर, १२, जेठ ।
बिववरण नदेखाई राजश्व ठगी गरेको भन्दै आन्तरिक राजश्व कार्यालय बिराटनगरले ३ दर्जन ब्यापारिक फर्मको बैक खाता रोक्का गरेको छ । कार्यालयका अनुसार विवरण लुकाई राजश्व ठगीगर्ने फर्म त्यसका प्रमुख तथा सञ्चालकहरु समेतको बैंकखाता रोक्का गरेको हो । आन्तरिक राजश्व कार्यालयमा दर्ता भएपनि ब्यापारिक कारोवारको विवरण नबुझाई राजश्व ठगीगर्ने ब्यापारी फर्मको संख्या ८ हजार २ सय ५ रहेको छ ।
जसमध्ये पहिलो चरणमा ३ दर्जन बढी फर्मको बैंकखाता रोक्का गरिएको कार्यालयले जनाएको छ । आन्तरिक राजश्व कार्यालयका प्रमुख दिलिप गौतमका अनुसार ७ हजार २ सय करदाता मुल्य अभिबृद्धी कर भ्याट र ४० हजार भन्दा बढी आयकरमा दर्ता भएका छन् । ति मध्ये भ्याटमा दर्ता भएका २ हजार ५ सय र आयकरमा दर्ता भएका करिब ८ हजार करदाताले दर्ता भएदेखि अहिलेसम्म कारोवार विवरण नदेखाई राजश्व ठगिगर्दै आएका छन् ।
उनीहरुलाई विवरण बुझाई बक्यौता राजश्व तिर्न सुझाव दिँदा समेत अटेर गरिएपछि कार्वाही गरिएको गौतमले बताए । उनीहरु सबैलाई करको दायरामा ल्याउने र अटेर गर्नेको कारोवार बन्द गर्ने उनको भनाई छ । कार्यालयले त्यस्ता फर्मको नाम भने सार्बजनिक गरेको छैन । कारोवार विवरण नदेखाई राजश्व ठगी गर्नेमा ठुला ब्यापारी घरानाका फर्म पनि रहेको श्रोतको दाबी छ ।
उनीहरु सम्पर्कमा आएर बक्यौता राजश्व बुझाउन् र उनीहरुको साखपनि नगिरोस् भनेर फर्मको नाम सर्बजनिक नगरिएको हो , श्रोतले भन्यो । ५० लाख भन्दा बढीको कारोवार गर्ने जुन सुकै ब्यपारीक फर्म भ्याटमा दर्ता हुनुपर्ने प्राबधान छ । तर अधिकांश फर्म दर्ता नै नहुने र दर्ता भएपनि कारोवार विवरण नदेखाउने प्रबृती बढेको गौतमले बताए । आन्तरिक राजश्वले करिब ५० करोड पुरानो बक्यौता कर असुली गर्न बाँकी छ ।कान्तिपुरबाट
