विराटनगर, १६ जेठ । अर्को ब्यक्ति प्रयोग गरेर आफूलाई गोली हान्न लगाउने हिन्दु धर्मका धर्मगुरु श्रीनिवासाचार्य पुर्पक्षको लागी जेल चलान भएका छन् । मोरङ जिल्ला प्रशासन कार्यालयमा भएको बयान पछि उनलाई पुर्पक्षको लागि जेल चलान गरिएको हो । मोरङ जिल्लाका प्रमुख जिल्ला अधिकारी रामप्रसाद आचार्यको आदेश अनुसार श्री निवासाचार्यलाई सुनसरीको झुम्का कारागारमा थुनामा राख्न पठाईएको छ । 
उनलाई हात हतियार खर खजना २०१९ को दफा २४ को (क) बमोजिम जेल हाल्न प्रमुख जिल्ला अधिकारी आचार्यले आदेश दिएका हुन् । उनी सहित उनका दुई सहयोगी माधव चौधरी र लक्ष्मीराज अधिकारी समेत जेल चलन भएका छन् ।
उनले गत चैत २५ गते राति बिराटनगरको जतुवामा रहेको रामजानकी मन्दीरमा पुराण भन्न गएको बेला आफैलाई गोलीहान्न लगाएका थिए । हिन्दु धर्म बचाउन भन्दै आफैले आफैलाई गोली हान्न लगाएको प्रहरी अनुसन्धानबाट खुलेको थियो ।
