कतारमा एक नेपालीलाई मृत्युदण्डको सजाय सुनाएको छ । कतारी नागरिकको हत्यामा नेपालीलाई कतारको अदालतले मृत्युदण्डको सजाय सुनाएको हो ।
महोत्तरी जिल्ला औरही घर भएका अनिल चौंधरीलाई न्यायाधीस मुस्तफा अल वेदाहेवी सहितको संयुक्त इजलासले मृत्युदण्डको सजाय सुनाएको छ । नेपालबाट कामको लागि कतार पुगेको अनिल एक कम्पनीमा लेवरको रुपमा कार्यरत थिए । कतारी नागरिक उमैर मोहम्मद उमैर अल रमजालनी अल नाउइमीको हत्या गरेको आरोपमा सन् २०१७ अप्रिल १७ मा उनी पक्राउ परेका थिए ।
कतारस्थित नेपाली दुतावासले उनको जीवन रक्षाको लागि कतारको सर्वोच्च अदालतमा अपिल गरेको छ ।
