विराटनगर, २६ जेठ, प्रधानमन्त्री केपी शर्मा ओलीले एक नम्बर प्रदेश सभालाई सम्बोधन गर्न जाने क्रममा पत्रकारलाई संसदमा प्रवेश नदिने नभएपछि पत्रकारले केहीबेर संसद भवन अगाडी धर्ना दिएका छन् । ओलीको सम्बोधनमा नियमित संसदीय रिपोर्टिङ गर्दै आएका पत्रकारलाई समेत छिर्न नदिएपछि पत्रकारहरु गेट मै धर्नामा बसेका हुन् । पत्रकार बेदराज पौडेल सहित, महाप्रसाद खतिवडा, अनन्त राज न्यौपाने लगायतका एक दर्जन पत्रकार धर्नामा बसेका हुन । 
बढीमा ५ जना पत्रकार संसद भित्र प्रबेश दिने अन्यलाई समाचार संकलनमा नै रोक लगाएपछि पत्रकारहरु आक्रोशित भएका हुन । प्रधानमन्त्री ओलीले शनिबार प्रदेश नम्बर १ संसदमा सम्बोधन गर्ने कार्यक्रम रहेको छ । उक्त कार्यक्रममा सञ्चारकर्मीलाई प्रवेश नदिएको जनाउँदै सञ्चारकर्मीले विरोध गरेका हुन् । उनीहरुले प्रधानमन्त्रीको समाचार आफूहरुले संकलन गर्न पाउनुपर्ने माग गरेका छन् । संसद भवनमा प्रधानमन्त्रीले १२ बजे सम्बोधन गर्ने तयारी छ ।
