न्यूयोर्क । अमेरिकाको न्यूयोर्क राज्यले राष्ट्रपति ट्रम्पसमेतलार्इ विपक्षी बनाउँदै अदालतमा मुद्दा दायर गरेकाे छ । ट्रम्प फाउन्डेसनद्वारा संचालित एउटा परोपकारी संस्थाविरूद्ध न्यूयाेर्कले मुद्दा हालेको हाे ।
एक दशकभन्दा बढी समयदेखि कानुन मिचेको भन्दै रााष्ट्रपति ट्रम्पकको संस्थालाई मुद्दा लगाइएकाे समाचार एजेन्सीहरूले जनाएका छन् । अदालतले यस विषयमा कारबाहीको प्रक्रिया अघि बढाएको समेत जनाइएको छ ।
न्यूयोर्ककी महान्यायाधिवक्ता बार्बरा अन्डरवुडले ट्रम्प फाउन्डेशनले डोनल्ड ट्रम्पको तर्फबाट लगभग चेकबुकको जस्तै काम गरेर विभिन्न व्यवसाय र गैरसरकारी संस्थाहरूलाई कानुनको बेवास्ता गर्दै जथाभावी रकम तिरेको आरोप लगाएकी छन् । उनले तयार पारेको अभियोगपत्रमा विगत एक दशकदेखि ट्रम्प फाउन्डेसनले त्यस्तै शैलीमा काम गरेको उल्लेख गरिएको छ ।
तर ट्रम्प फाउन्डेशनले चाहिँ एक विज्ञप्ति जारी गर्दै ती आरोपहरू अस्वीकार गरेको छ । राष्ट्रपति ट्रम्पले उनकै शब्दमा ‘न्यूयोर्कका फोहोरी डिमोक्र्याट’हरूले त्यो मुद्दा अघि सारेर अाफूमाथि षड्यन्त्र दाेहाेर्याएकाे अाराेप लगाएका छन् ।
ट्रम्प फाउन्डेसनसँग सम्बन्धित अनियमितताका आरोप सन् २०१६ को राष्ट्रपति चुनावमा पनि बाहिर आएका थिए तर त्यसलाई राष्ट्रपति ट्रम्पको सुरूवाती कार्यकालले छायाँमा पारिदिएको थियो ।
राष्ट्रपति ट्रम्पदेखि उनी मताहतका सरकारी अधिकारीहरूले पछिल्लाे मुद्दालाई पनि अर्को राजनीतिक रुपमा पूर्वाग्रही अनुसन्धान भनेर टिप्पणी गर्न थालेकाे बताइन्छ । (एजेन्सी)
