विराटनगर १३ असार । विराटनगर ६ स्थित धरानरोडमा आज ट्याङकरले स्कुटरलाई ठक्कर दिदाँ स्कुटर चालक गम्भिर घाईते भएका छन् ।
महेन्द्रचोकदेखि आयल निगम तर्फ जादै गरेको ना २ ख ४७५७ नम्बरको तेल बोक्ने आयल निगमको ट्याङकरले स्कुटर चालकलाई ठक्कर दिएको थियो ।
सोही दिसा तर्फ जादै गरेको को ३० प ६२५ नम्बरको स्कुटर चालक हस्त बहादुर विकलाई ट्याङकरले ठक्कर दिदाँ गम्भीर घाईते भएका छन् ।
भुतपूर्व नेपाल प्रहरी समेत रहेका विकको अहिले न्यूरो अस्पतालमा उपचार भईरहेको छ ।
ठक्कर दिने ट्याङकरका चालक फरार रहेको जिल्ला ट्राफिक प्रहरी कार्यलय मोरङले जनाएको छ । ट्याङकर र स्कुटर भने वडा प्रहरी कार्यलय विराटनगरको नियन्त्रणमा रहेको मोरङ प्रहरीले जनाएको छ ।
