विराटनगर, ३ साउन ।नेपाल इन्जिनियर्स एसोसिएसन रिजनल सेन्टर विराटनगरले ५६ औ इन्जिनियर्स दिवसको अवसरमा विहिवार विराटनगरमा रक्तदान कार्यक्रम सम्पन्न गरेको छ । विराटनगर स्थित गुद्रीमा आयोजित रक्तदान कार्यक्रममा ३५ जनाले रक्तदान गरेको इन्जिनियर्स एशोसिएशन सदस्य ईन्जिनियर घनश्याम काफ्लेले जानकारी दिए । प्रत्येक वर्ष साउन ३ गतेलाई स्थापना दिवसको रुपमा मनाउँदै आएको छ । 
इन्जिनियर एशोसिशसनका अध्यक्ष कमलेश्वर ठाकुरको संयोजकत्वमा भएको कार्यक्रममा पूर्व अध्यक्ष ईन्जिनियर भरत न्यौपाने , वरिष्ठ ईन्जिनियर अर्जुन थापा लगायतको उपस्थिती रहेको थियो ।
